KALDBAKUR

Við botn Haukadals er fjallið Kaldbakur(998m.y.s). Kaldbakur er hæsta fjall á Vestfjörðum. Hann er sléttur að ofan og þakinn frostsprengdu eggjagrjóti.
Auðgengt er á Kaldbak þegar farið er upp úr botni Fossdals í Arnarfirði, eða Kirkjubólsdals í Dýrafirði. Úr öðrum áttum er hann illfær eða ófær, enda hrikalegur
að sjá úr mynni Haukadals og minnir á frændur sína í suðri-Alpana.

Útsýn af fjallinu er yfir meginhluta Vestfjarðarhálendis, suður á Snæfellsnes og víðar. Þar er varða mælingarmanna. Í henni er geymdur kassi með gestabók
og ritföngum sem sunnudagsgöngugarpar skrifa komur sínar í.